काठमाडौं । चलचित्र ‘लाज शरणम्’को नयाँ पोस्टर सार्वजनिक भएको छ । नयाँ क्यारेक्टर सार्वजनिक गर्न निर्माणपक्षले पोस्टर ल्याएको हो । यसअघि सार्वजनिक तीनवटा पोस्टरमा नदेखिएका कलाकारलाई नयाँ पोस्टरमा छन् । 

पोस्टरमा बायाँबाट क्रमशः मुकुन्द श्रेष्ठ, महेश त्रिपाठी, विजय बराल, अपर्ण थापा र कमलमणि नेपाल लाई देख्न सकिन्छ । 

फ्रन्टमा देखिएका पात्र चलचित्रका हिरो हुन् । उनी सीताराम कट्टेल (धुर्मुस) हुन् । उनी दौरासुरुवाल ज्वारीकोटमा देखिएका छन् । अभिवादन गरिरहेका उनको यो गेटअपले उनी चलचित्रमा नेताको भूमिकामा रहेको प्रष्ट हुन्छ । उनलाई निर्माण टिमले आज पहिलोपटक सार्वजनिक गरेको हो । 

• कहिलेसम्म ‘लाज शरणम्’ले लुकाउँछ मुख्य कलाकार धुर्मुसलाई ?

उनी पूर्वमन्त्री तथा कांग्रेस नेता मोहम्मद आफतव आलमको लुक्समा छन् । उनको पृष्ठभूमीमा कफिनमा शव बोकिरहेका मानिस देखिन्छन् । 

चलचित्र ‘लाज शरणम्’ फागुन १४ गते महाशिवरात्रिको अवसरमा प्रदर्शन हुनेछ । यो हास्य टेलिश्रृंखला ‘सक्किगोनि’को टिमले बनाएको चलचित्र हो । 

‘सक्किगोनि’ टिमबाट यो चलचिमा अर्जुन घिमिरे (पाँडे), सागर लम्साल (बले), हरिष निरौला (क्रकोज), प्रियाना आचार्य (मुन्नी)लगायत कलाकार छन् । 

‘लाज शरणम्’को निर्देशन कुमार कट्टेल ‘जिग्री ब्रो’ले गरेका हुन् । सिनेमाको प्रमुख कलाकारमा विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बू, अर्जुन घिमिरे, सागर लम्साल, हरिष निरौला, प्रियाना आचार्यलगायत कलाकार छन् ।

जेपिटी क्रियसनको ब्यानरमा निर्माण भएको सिनेमामा नवीन श्रेष्ठ निर्माता, राम नरेश शाह र सृजना खड्का सह–निर्माताको रूपमा रहेका छन् ।