काठमाडौं । यो साता सेयर बजार समग्रमा ६५.७० अंकले बढ्यो । ३६ अर्ब सात करोड रुपैयाँको सेयर कारोबार भयो ।

गएको साताको तुलनामा कारोबार रकम १३ अर्ब ६७ करोड १३ लाख रुपैयाँले बढ्यो । गएको साता २२ अर्ब ४० करोड रुपैयाँको सेयर खरिद–बिक्री भएको थियो ।

यो साताको अन्तिम दिन बिहीबार नेप्से परिसूचक २६५४.३५ विन्दुमा बन्द भएको छ । गएको साताको अन्तिम कारोबार दिन बिहीबार नेप्से परिसूचक २५८८.६२ विन्दुमा बन्द भएको थियो ।

नेपाल स्टक एक्सचेन्ज (नेप्से)का अनुसार, यो साता बजार पाँचमध्ये चार कारोबार दिनमा बढ्यो । एक कारोबार दिन बिहीबार बजार घटेर २६५४.३५ विन्दुमा बन्द भएको हो । अघिल्लो कारोबार दिन बुधबार बजार २६६५.४५ विन्दुमा पुगेको थियो ।

यो साताको अन्तिम कारोबार दिन बिहीबार नेप्से ११.१० अंकले नेप्से घट्यो । आइतबार १२.५८, सोमबार ६.७८, मंगलबार ५.०८ र बुधबार ५२.३६ अंकले बजार बढ्यो ।

गएको साता बजार समग्रमा ४६.४५ अंकले घटेको थियो । गएको साता एक कारोबार दिन बुधबार १.८३ अंकले बजार बढेको थियो । गएको साताको आइतबार नेप्से परिसूचक २५.४१, सोमबार १५.५४ र बिहीबार ७.३३ अंकले घटेको थियो ।

‘अन्य’ समूहका लगानीकर्ताले सर्वाधिक कमाए
नेप्सेका अनुसार, यो साता सर्वाधिक कमाउनेमा ‘अन्य’ समूहका लगानीकर्ता छन् । यो समूहको परिसूचक एक सातामा ९.४० प्रतिशतले बढ्यो ।

यो साता पनि बढी गुमाउनेमा फाइनान्स समूहका लगानीकर्ता छन् । एक सातामा यो समूहका लगानीकर्ताको सम्पत्ति २.८५ प्रतिशतले घटेको छ । गएको साता फाइनान्स समूहका लगानीकर्ताले १२.९६ प्रतिशत सम्पत्ति गुमाएका थिए ।