काठमाडौं । युट्युबमा सबैभन्दा धेरै सब्स्क्राइबर भएका स्टार मिस्टर बिस्टले पनि टिकटक किन्ने इच्छा व्यक्त गरेका छन् ।

मिस्टर बिस्ट र अनलाइन एचआर कम्पनी इम्प्लोयर डटकमका संस्थापक जेसी टिन्सलेले टिकटक किन्न नगद रुपैयाँको प्रस्ताव गरेका छन् ।

अमेरिकी राष्ट्रपति डोनाल्ड ट्रम्पले अर्बपति एलन मस्क र ल्यारी एलिसनले टिकटक किन्न चाहेमा आफू सकारात्मक रहेको टिप्पणी गरेका छन् ।

वास्तविक नाम जिमी डोनाल्डसन रहेका मिस्टर बिस्टले टिकटक किन्न अर्बपतिहरूसँग वार्ता गरिरहेको बताएका थिए ।

ट्रम्पले टिकटकको मूल्य एक ट्रिलियन अमेरिकी डलर रहेको भन्दै ५० प्रतिशत अमेरिकी स्वामित्वमा सञ्चालन गर्न अनुमति मिल्ने बताएका छन् ।

यसै जनवरी १९ सम्म बिक्री नगरे प्रतिबन्ध लाग्ने कानुनका आधारमा अमेरिकामा टिकटक प्रतिबन्ध भएको थियो । ट्रम्पले २० तारिकमा राष्ट्रपतिको कार्यभार सम्हालेसँगै कार्यकारी आदेश जारी गरी ७५ दिनका लागि प्रतिबन्ध रोकेका छन् ।