अर्थ व्यवसाय
क्रिप्टो कारोबार तत्कालै खुला गर्ने पक्षमा छैनौँ : अर्थमन्त्री पौडेल
काठमाडौं । उपप्रधान तथा अर्थमन्त्री विष्णुप्रसाद पौडेलले तत्कालै क्रिप्टो कारोबार खुला गर्ने पक्षमा नेपाल नरहेको बताएका छन् । प्रतिनिधिसभाको सोमबारको बैठकमा उठेका प्रश्नको जवाफ दिँदै उनले क्रिप्टो कारोबारलाई अहिले नै खुला गर्न नसकिने निष्कर्षमा पुगिएको बताए ।
“हाम्रो समग्र राष्ट्रिय अर्थतन्त्रको पक्षलाई विश्लेषण गर्दा हामी क्रिप्टोको सन्दर्भमा त्यो निष्कर्षमा पुगिहाल्न हतारो हुन्छ भन्ने हिसाबले बजेट प्रस्तुत भएको हो,” उनले भने, “अहिले हामी तुरून्तै क्रिप्टो कारोबार खुला गर्न सक्ने ठाउँमा छैनौँ भन्ने कुरा म यस अवसरमा राख्न चाहन्छु ।”
विश्वका कतिपय मुलुकले क्रिप्टो कारोबारलाई नियमन गरेर सञ्चालन गरेको प्रसंग उनले सुनाए । तर, नेपाल त्यो अवस्थामा अहिले नै नपुगेको पौडेलले बताए ।
प्रकाशित मिति: सोमबार, असार २, २०८२ १८:१८
प्रतिक्रिया दिनुहोस्
सम्बन्धित समाचार
-1749010126.jpg)
