काठमाडौं । अस्ट्रियन कलाकार मारियाना के मेजर रोमन मारिया मुरले नेपालमा प्यान्टोमाइम प्रस्तुत गरेका छन् । पाटन म्युजियममा आयोजना गरिएको कार्यक्रममा मुरले प्यान्टोमाइम प्रस्तुत गरेका हुन् । 

प्यान्टोमाइम कलाकारको अनुहारको भाव र शारीरिक हाउभाउमार्फत कथा प्रस्तुत गरिन्छ ।

कला र संस्कृतिको माध्यमबाट दुई देशबीचको सम्बन्ध प्रगाड बनाउने तथा नेपाल र अस्ट्रियाबीचको आपसी समझदारीलाई अझ बलियो बनाउने उद्देश्यले नयाँ दिल्लीस्थित अस्ट्रियन दूतावासले उक्त कार्यक्रम आयोजना गरेको हो ।

“कूटनीति, राजनीतिक र आर्थिक सम्बन्ध मात्र होइन, सांस्कृतिक आदानप्रदान, समझदारी निर्माण र मुलुकहरूबीचको मित्रताको सवलीकरणबाट पनि यो फस्टाउँछ,” नेपालका लागि अस्ट्रियाका अवैतनिक वाणिज्यदूत राजेशबाबु श्रेष्ठले भने ।