काठमाडौं । पायोनियर मोटो कर्पले बिक्री गरिरहेको जिकर एक्स प्रिमियम कम्प्याक्ट एसयुभी भएको बताएको छ । आधुनिक सहरी जीवनशैलीलाई सहज र सुविधाजनक बनाउने गरी डिजाइन गरिएको गाडी सबै ड्राइभिङ अवस्था र सडकमा उत्कृष्ट अनुभव र निर्धक्कता प्रदान गर्ने कम्पनीको भनाइ छ ।

आकर्षक डिजाइज–डिटेलसहित गाडीको बोल्ड र ‘एक्स्ट्रोभर्ट फर्म’ निकै आकर्षक देखिने कम्पनीको भनाइ छ । ‘गोल्डेन रेसियो’मा आधारित डिजाइनमा विभिन्न चित्रकला, वास्तुकला प्रयोग गरिएको कम्पनीको भनाइ छ ।

२७५० मिलिमिटरको ह्विलबेस रहेको गाडी ४४३२ मिलिमिटर लामो र १५६६ मिलिमिटर अग्लो छ । जिकर एक्समा ६६ किलोवाट आवरको लिथियम आयोन ब्याट्री छ ।

गाडीको ‘लङ रेन्ज’ मोडलको रियर एक्जिलमा २०० किलोवाट (२७२ हर्सपावर) र ३४३ न्युटनमिटरको इलेक्ट्रिक मोटरसहित ‘थर्ड जेनेसेन’ सिलिकन कार्बाइड इन्भर्टर प्रविधि छ ।

यसले गाडी ५.६ सेकेन्डमा शून्यबाट १०० किलोमिटर प्रतिघण्टाको गतिमा गुड्नसक्ने कम्पनीले जनाएको छ ।

जिकर एक्समा सुरक्षित, आधुनिक र प्रविधियुक्त ड्राइभिङ अनुभवका लागि ‘इन्टेलिजेन्ट कपपिट’ को पनि सुविधा छ ।

गाडीमा १४.६ इन्चको एचडी टचस्क्रिन डिस्प्ले, ८.८ इन्चको एचडी इन्स्ट्रुमेन्ट प्यानलसहित २४.३ इन्चको ‘अगमेन्टेड रियालिटी हेड–हप डिस्प्ले’ छ ।

अगमेन्टेड रियालिटी हेड–अप डिस्प्लेमार्फत गाडीको विन्डस्क्रिन (अगाडिको सिसा)मा नै ग्राफिक्स प्रोजेक्ट छ ।

यसले सुरक्षित ड्राइभिङका लागि गाडीको गतिलगायत विभिन्न सूचना, ‘एडास सिस्टम वार्निङ’ तथा अन्य नेभिगेसन निर्देशन सजिलै अगाडीको अबजेक्ट भ्युमा ड्राइभरले देख्ने कम्पनीले जनाएको छ ।

जिकर एक्स रियर ह्विल ड्राइभ ८४ लाख ९९ हजार रुपैयाँबाट सुरु छ भने अल ह्विल ड्राइभको मूल्य एक करोड ५४ लाख ९९ हजार रुपैयाँ छ ।