काठमाडौं । राष्ट्रिय स्वतन्त्र पार्टी (रास्वपा)ले पार्टी सभापति रवि लामिछाने पक्राउको विरोधमा हुने दोस्रो चरणको आन्दोनलाई उपनिर्वाचनको अभियानसँग जोड्ने भएको छ । 

बुधबार पार्टी केन्द्रीय कार्यालयमा बसेको केन्द्रीय समितिको बैठकले दोस्रो चरणको आन्दोलनलाई उपनिर्वाचनको कार्यक्रमसँग जोड्ने निर्णय गरेको पार्टीका कार्यवाहक प्रवक्ता मनिष झाले जानकारी दिएका छन् ।

त्यसका लागि मंसिर ८ र ९ गते उपनिर्वाचन हुने ठाउँमा कार्यक्रम गरिने अर्का एक नेताले जानकारी दिए । त्यस क्रममा पार्टी सभापति लामिछानेलाई पक्राउ गरिएको विषय उठाउने निर्णय भएको छ ।

रास्वपाले प्रधानमन्त्री केपी शर्मा ओलीसँग जोडिएको ‘विवादास्पद विषय’लाई लिएर केही व्यक्तिसमेत पक्राउ गरेको सन्दर्भमा सत्यतथ्य छानबिन गर्न पनि माग गरेको छ ।