काठमाडौं । चलचित्र ‘पूर्ण बहादुरको सारङ्गी’ यही बिहीबार रिलिज हुँदै छ । सरोज पौडेलको निर्देशन रहेको चलचित्रमा विजय बराल, प्रकाश सपूत, मुकुन भुसाल, अञ्जना बराइलीलगायत कलाकारको अभिनय छ । 

गन्धर्व समुदायको कथा भन्ने यो सिनेमामा बावुले छोराका लागि गर्ने संघर्ष र देख्ने सपना रहेको बताइएको छ । विजय बुवाको भूमिकामा छन् भने प्रकाश छोराको भूमिकामा । 

‘पूर्ण बहादुरको सारङ्गी’मा हिरो को हो भन्ने जिज्ञासामा विजय भन्छन्, “बाउका लागि छोरो नै हिरो हो । मेरा लागि प्रकाश नै हिरो हो । छोराका लागि बाउ नै हिरो हो । दुवैजना हिरो हो । पात्रका हिसाबले बाउका लागि छोरो छोरोका लागि बाउ हिरो हुन्छ । 

यो भावनात्मक कुरा भयो, ‘पूर्ण बहादुरको सारङ्गी’मा चाहिँ हिरो को हो ?
सर्वाधिक स्क्रिन मैले पाएको छु । स्क्रिन टाइमा मेरो क्यारेक्टरलाई धेरै छ । सर्वाधिक स्क्रिन टाइम पाएको हिसाबले मापन गर्ने हो भने म नै हिरो हुँ । तर म आफैँले म हिरो हुँ कसरी भनुँ । चरित्र हिरो छ । पूर्ण बहादुर हिरो हो । प्रकाश सपूत मेरो छोराको रूपमा हुनुहुन्छ । अन्तिममा उहाँ नै हिरो हो । चलचित्रमा छोरो नै हिरो हुने हो सिनेमामा । 

तर, चरित्रका हिसाबले भने यो सिनेमाको हिरो म नै हुँ । तर सिनेमामा चरित्र हिरो भएको हो, म होइन ।