काठमाडौं । ‘एफएलएफ अवार्ड’को छैटौँ संस्करणको मनोनयन सार्वजनिक भएको छ । फाल्गुनन्द लिङदेन फिल्मसले आयोजना गर्दै आएको लिम्बू भाषा संस्कृतिमा बनेका म्युजिक भिडियो, पालाम र फिल्मको संयुक्त अवार्डको मनोनयन सार्वजनिक भएको हो । 

अमेरिकामा आयोजित एक कार्यक्रममा मनोनयन सार्वजनिक गरिएको हो । १७ विधामा प्रदान गरिने अवार्डको मनोनयन अनुसार निर्देशनमा सागर सुब्बा, सागर केरुङ, हाङ चेम्जङ, लोकेन साँवा, चन्द्र लिम्बू मनोनयनमा परेका छन् ।

नायिकातर्फ विमला खजुम, बबिता फोम्बो, रुपा आङबुहाङ, बबिता नेयोङ तथा नायकमा मौसम इम्बुङ, सुमन थाम्सुहाङ, आशाहाङ आङबो र सञ्जिब लिम्बू मनोनयनमा परेका छन् ।

अवार्डमा गायन विधामा पुरुषतर्फ राजेशपायल राई, सुमन लिम्बू, असार सिङ निङलेखु छन् भने महिलातर्फ निरन्ता नेम्बाङ, मनु नेम्बाङ, अन्जु पन्त, श्रेयसी चेम्जङ छन् ।

गीतसंगीतमा रिता फोम्बो, कुल्बा सुब्बा, अशोक लोहरुङ र सुवर्ण नेम्वाङ मनोनयन हुँदा छायांकनमा सम्राट कार्की, युवराज राई, रवीन्द्र बराल मनोनयनमा परेका छन् ।