काठमाडौं । तिहारको पूर्वसन्ध्यामा तिहारसँग सम्बन्धित नयाँ गीत सार्वजनिक भएको छ । ‘तिहारको रमाइलो’ बोलको गीतमा प्रताप दासको स्वर छ । गीतमा शब्द तथा संगीत रमेश चासिलेको छ । 

गीतले तिहारको विशेषता वर्णन गरेको छ । दिदीबहिनीले दाजुभाइलाई बोलाएर भाइटीका लगाइदिने परम्परा, देउसी खेल्ने परम्परा, लक्ष्मीपूजालगायतलाई गीतले चित्रण गरेको छ । 

तिहारमा भाइटीका लगाउन नपाउँदा दिदीभाइ र दाजु बहिनीमा हुने बेचैनीलाई गीतमा उल्लेख गरिएको छ । 

गीतको भिडियोमा राजवल्लब कोइराला, पूजा चन्द, समीर रेग्मी, आकृति काफ्ले, मनोरथ खनाल, आकाश खतिवडालगायतको अभिनय छ । 

भिडियोलाई जोयश पाण्डेले निर्देशन गरेका छन् । विमल सुवेदीको लगानी रहेको भिडियो चेन इन गाउको सिनेमेटोग्राफी छ भने सम्पादन निशान घिमिरेले गरेका छन् ।