काठमाडौं । पारालैंगिक अल्पसंख्यकको कथामा बनेको नेपाली चलचित्र ‘गुन्युचोलो’ अमेरिकाको तस्बिर फिल्म मार्केटमा छनोट भएको छ ।

समुन्द्र भट्टले निर्देशन गरेको चलचित्र अक्टोबर १५ देखि १८ सम्म अमेरिकाको सियाटलमा आयोजना हुने तस्बिर फिल्म मार्केटमा छनोट भएको हो । 

यसवर्षदेखि फिल्म मार्केट पनि सुरु गर्न लागेको तस्बिर फिल्म मार्केटले दक्षिण एसियाली डायस्पोराका फिल्म निर्माता र सर्जकलाई लक्षित गर्दै उनीहरूलाई फिल्म विकास र वितरणका लागि आवश्यक स्रोतहरू प्रदान गर्ने उद्देश्य राखेको ‘गुन्युचोलो’ निर्माणपक्षले जारी गरेको प्रेस नोटमा उल्लेख छ । 

‘गुन्युचोलो’मा नाजिर हुसेनको मुख्य भूमिका छ । उनले पारालैंगिक महिला (ट्रान्सवुमन)को भूमिका निर्वाह गरेका छन् ।  नाजिरसँगै सञ्चिता लुइँटेल, सुशील सिटौला, राजकुमार घोष, शिशिर राणा, अनुपम श्रेष्ठ र विशाल पहारीको पनि अभिनय छ ।