काठमाडौं । संगीतकार तथा गायक न्ह्यू बज्राचार्यको नयाँ गीत सार्वजनिक भएको छ । गोपाल प्याकुरेलको शब्दरचना रहेको गीतमा न्ह्यूको संगीत छ । 

‘आमा’ बोलको गीतमा मोहित भुजेलको स्वर छ । गोपाल रसाइलीले एरेन्ज गरेका छन् । 

“आमा भन्नेबित्तिकै मनमा यस्तो पवित्र प्रेमको झल्को आउँछ, त्यो केवल यस धर्तीमा मात्र भेटिन्छ । आमाको आँखा नियाल्दा त्यसको झल्को नदेख्ने को होला ?,” न्ह्यू  भन्छन्, “सन्तानको खुसी र दुःख दुवैमा साथ रहने आमाको ममतालाई जति बयान गरे पनि सकिँदैन । आमाको देनमा जति गीत लेखिएका छन्, तिनमै हामीले एउटा नौलो रचना थपेका छौँ ।” 

उनले गीत स्रोता/दर्शकले महसुस गर्ने विश्वास गरेका छन् । उनले सम्पूर्ण आमाहरूप्रति गीत समर्पण गरेको बताएका छन् ।