काठमाडौं । नेपालका पारस भण्डारी, मनोज श्रेष्ठ र शिशिर श्रेष्ठको टोलीले जी टू अस्ट्रेलियन ओपन तेक्वान्दो च्याम्पियन्सिपमा स्वर्ण जितेका छन् ।

शिशिर १३औँ दक्षिण एसियाली खेलकुद (साग) का कांस्य विजेता हुन् ।

अस्ट्रेलियाको ब्रिसवेनमा भएको प्रतियोगितामा उक्त टोलीले ३० वर्षमुनि पुरुष टिम पुम्सेमा स्वर्ण जित्यो ।

अस्ट्रेलिया तेक्वान्दोको आयोजनामा ब्रिसवेनस्थित निसान एरिनामा भएको उक्त स्पर्धामा सिंगापुरले रजत तथा हङकङले कांस्य जिते ।