site stats
बाह्रखरी :: Baahrakhari
कला
Global Ime bankGlobal Ime bank
एक हप्तामा कति ग्रसकलेक्सन गर्‍यो ‘साम्बाला’ले ?

काठमाडौं । प्रदर्शनरत चलचित्र ‘साम्बाला’ले एक हप्तामा करिब डेढ करोड रुपैयाँ ग्रसकलेक्सन गरेको छ । गत शुक्रबारबाट रिलिज भएको चलचित्रले एह हप्तामा एक करोड ४० लाख रुपैयाँ ग्रस कलेक्सन गरेको हो । 

“शुक्रबार साँझ हामीलाई आएको रिपोर्टअनुसार एक हप्तामा एक करोड ४० लाख रुपैयाँ कलेक्सन गरेको छ,” निर्देशक मिनबहादुर भामले बाह्रखरीसँग भने । 

मंगलबारबाट चलचित्रमा अकुपेन्सी उच्च देखिएको उनले बताएका छन् । “मंगलबारबाट हलमा उच्च अकुपेन्सी पनि देखिएको छ । वर्ड अफ माउथ राम्रो हुँदै जाँदा शो राम्रो पाउँदै गएको छ,” उनी अगाडि थप्छन्, “प्राप्त शोमा अकुपेन्सी पनि बढ्दै गएको छ ।” 

Dabur Nepal
NIC Asia

चलचित्र रिलिजको पहिलो दुई दिन भने ‘साम्बाला’मा दर्शकको धेरै आकर्षण देखिएको थिएन । विस्तारै सकारात्मक प्रचार हुँदै जाँदा दर्शकको संख्या पनि बढ्दै गएको उनको भनाइ छ । 

करिब आठ वर्ष अगाडि रिलिज भएको मिनको पहिलो फिचर फिल्म ‘कालो पोथी’ले पहिलो हप्ता ३० लाख रुपैयाँ ग्रसकलेक्सन गरेको थियो । (त्यो समय अहिलेको तुलनामा सिनेमा हलको संख्या र स्क्रिन भने कम थियो ।) 

दोस्रो हप्ताबाट वर्ड अफ माउथले दर्शक थपिँदै जाँदा ‘कालो पोथी’ले लाइफ टाइम हल कलेक्सन साढे तीन करोड रुपैयाँ गरेको थियो ।

“कालो पोथीजस्तै यो सिनेमा पनि अब उच्च अकुपेनसीसहित चल्छ भन्ने विश्वास छ । विस्तारै शो संख्या, अकुपेन्सी र प्रतिक्रिया राम्रो आइरहेको छ,” मिनले भने । ‘साम्बाला’ करिब १५ करोड रुपैयाँ लगानीमा निर्माण भएको चलचित्र हो । 

९७ औँ अस्कर अवार्डमा सिफारिस भएको यो चलचित्रमा थिन्ले ल्हामो, सोनम तोप्देन, तेन्जिन दल्हा, कर्मा वाङ्ग्याल गुरूङ, कर्मा शाक्यलगायत कलाकारको अभिनय छ ।

मिनबहादुर भामले निर्देशन गरेको चलचित्रमा कथा लेखनमा मिनलाई अभिनास विक्रम शाहले सहयोग गरेका छन् । 
 

Laminar Tiles Banner adLaminar Tiles Banner ad
NIBLNIBL
प्रकाशित मिति: शनिबार, असोज ५, २०८१  ११:२८
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro