राजनीति
काठमाडौं । सरकारको न्यूनतम साझा कार्यक्रमको मस्यौदा तयार पार्न कांग्रेस र एमालेका चार नेता सम्मिलित कार्यदल गठन भएको छ । प्रधानमन्त्री निवास बालुवाटारमा बसेको बैठकले चार नेता सम्मिलित कार्यदल गठनको निर्णय गरेको एक नेताले जानकारी दिए ।
ती नेताका अनुसार कार्यदलमा कांग्रेसबाट गगन थापा र प्रकाशशरण महत रहेका छन् भने एमालेबाट प्रदीप ज्ञवाली र विष्णु रिमाल रहेका छन् । अहिलेसम्म दुई दलबीच न्यूनतम साझा कार्यक्रम पनि नबनेको भन्दै आलोचना भएपछि आइतबार बेलुका दुई दलका शीर्ष नेताको बैठक बसेको थियो ।
प्रधानमन्त्री निवास बालुवाटारमा बसेको बैठकले यस्तो निर्णय गरेको थियो ।
प्रकाशित मिति: सोमबार, भदौ २४, २०८१ ०८:१६
प्रतिक्रिया दिनुहोस्