काठमाडौं । ‘नमेटिने घाउ’ प्रदर्शनमा आएको चौथो दिन (सोमबार) काठमाडौं उपत्यकामा क्यूएफएक्समा एक शो बाँकी छ । सोमबार बिहान ११ बजेपछि क्यूएफएक्सका काठमाडौंमा रहेका आफ्ना आउटलेटमा जम्मा एक शो मात्र बाँकी छ । क्यूएफएक्स देशकै सबैभन्दा ठूलो मल्टिप्लेक्स हो । 

भक्तपुरको भाटभटेनीस्थित क्यूएफएक्समा दिउँसो सवा ३ बजेको शो बाँकी रहेको छ । बिहान १० : ५० सम्म जम्मा ७ वटा टिकट बिक्री भएका छन् । 

प्रधानमन्त्री केपी शर्मा ओलीसँगै यो चलचित्रमा पूर्वप्रधानमन्त्री माधव नेपाल, माओवादी नेता देवेन्द्र पौडेल, राप्रपा नेता ज्ञानेन्द्र शाहीलगायत कलाकार स्क्रिनमा देखिन्छन् ।  

• ओली अभिनीत ‘नमेटिने घाउ’ र मलिकाको ‘सतीदेवी’ हलमा 

प्रहरी उपरीक्षकद्वय बाल नर्सिंह राणा र कुमुद ढुंगेल, प्रहरी निरीक्षक जेआर शर्मालगायतलाई चलचित्रमा अभिनयमा देख्न सकिनेछ । 

एसिड सर्भाइभरहरूको वास्तविक जीवनीमा आधारित चलचित्रमा एसिड आक्रमणमा परेका ३३ जना पीडितहरूको कथालाई समेटिएको छ । चलचित्रमा शिवम् अधिकारीको कथा लेखन छ ।