किभ । युक्रेनले रुसको कब्जामा रहेको क्राइमियामा रहेको एक पनडुब्बीमाथि हमला गरेर डुबाइदिएको दाबी गरेको छ ।

युक्रेनका जनरल स्टाफले जारी गरेको वक्तव्यमा रुसको किलो क्लास जंगी पनडुब्बी रोस्तोव आन डान जो २०१४मा लन्च भएको थियो । 

सो पनडुब्बीमाथि हमला गएको शुक्रबार पोर्ट सिटी सेवस्तोपोलमा भएको जनाइएको छ । उक्त पनडुब्बी रुसको ब्ल्याक सीमा अपरेट भइरहेका चार पनडुब्बी मध्ये एक भएको जनाइएको छ । 

युक्रेनको सो दाबीका बारेमा रुसको रक्षा मन्त्रालयले कुनै टिप्पणी गरिसकेको छैन । युक्रेनका अधिकारीहरुले आक्रमणका क्रममा चार एस ४०० एयर डिफेन्स सिस्टमलाई पनि ध्वस्त गरिएको जनाएका छन् । ती सिस्टम अवैध कब्जा गरिएका क्षेत्रको रक्षाका लागि प्रयोग गरिएको बीबीसीले जनाएको छ ।