काठमाडौं । परराष्ट्रमन्त्री आरजु राणा देउवा चीन भ्रमणमा जाने भएकी छन् । सोमबार साँझ बसेको मन्त्रिपरिषद् बैठकले परराष्ट्रमन्त्री राणाको चीन भ्रमण स्वीकृत गरेको सरकारका प्रवक्ता पृथ्वीसुब्बा गुरुङले जानकारी दिए ।

उनका अनुसार, प्रधानमन्त्री केपी शर्मा ओलीको भ्रमणको पूर्वतयारीका लागि उनी चीन भ्रमणमा जान लागेकी हुन् । राणा मंसिर १३ गतेदेखि १५ सम्म चीन भ्रमणमा जान लागेकी हुन् । 

"सम्माननीय प्रधानमन्त्रीको चीन भ्रमणको सन्दर्भमा परराष्ट्रमन्त्री आरजु राणा देउवाको मंसिर १३ गतेदेखि १५ गतेसम्मको भ्रमणको प्रतिनिधिमण्डलको जुन सदस्य हुनुहुन्छ, चीनको भ्रमणको स्वीकृति प्रदान भएको छ," उनले भने ।

प्रधानमन्त्री ओली मंसिर १७ गतेदेखि चीनको भ्रमणमा जाने तय भएको छ ।