काठमाडौं । उत्कृष्ट पाककला भएको रेष्टुरेन्टले पाउने मिसोलान स्टार यसपटक दुबईमा रहेको रेष्टुरेन्ट ‘रो अन फोर्टिफाइभ’ले  प्राप्त गरेको छ । 

बेलायती सेफ आर्थनटनले दुई दशकअघि दुबईको हिलटन क्रिकबाट सुरु गरेको यो रेष्टुरेन्टले हालसम्म दुईवटा मिसोलन प्राप्त गरिसकेको छ ।

खानामा राखिने सामग्रीको गुणस्तर, स्वादको सन्तुलन र सेफको दक्षतालाई प्रस्तुत गरी मेनुमा निरन्तरता दिएको रो अन फोर्टिफाइभमा हेड सेफको रूपमा नेपालका राहुलबाबू श्रेष्ठ कार्यरत छन् ।

सन् २०१३ देखि श्रेष्ठले विभिन्न रेष्टुरेन्टमा इन्टर्सिप गर्दै आफ्नो व्यवसायिक करियरको सुरुआत गरेका थिए । यसै क्रममा लन्डन र सिंगापुरमा जसनसँग र तीन वटा मिसोलन स्टार पाएको नर्वेको रेष्टुरेन्टमा समेत काम गरिसकेका छन् ।

सन् २०१६ मा फेरि उनी जसनसँगै काम गर्न दुबई पुगेका थिए । हाल उनी रो अन फोर्टिफाइभमा सेफ दी क्युजिनसँगै मेनको इन्चार्ज र डिस डेभलपमेन्टमा रही एक्जुकिटिभ सेफ ड्यान बर्कसँग  किचन टिम सम्हालिरहेका छन् ।