काठमाडौं । निर्माण घोषणा गरिएको चलचित्र ‘माइली’मा गायिका कमला घिमिरे अनुबन्धित भएकी छिन् । बाबुसाहेब बलामीको निर्देशन रहने चलचित्रबाट गायिका कमलाले अभिनयमा डेब्यु गर्न लागेकी हुन् ।

कमलाले संगीतमा जस्तै चलचित्रमा पनि आफूलाई दर्शकले माया गर्ने अपेक्षा गरेकी छन् । कमला केही समय अगाडि एक युट्युब र सामाजिक सञ्जालमा ‘भाइरल’ गायिकाका रुपमा परिचित थिइन् । 

फिल्म युनिटले कमलाको पोस्टरलुक पनि सार्वजनिक गरेको छ । 

निर्देशक बलामीले सत्य घटनामा आधारित हुने भनिएको चलचित्रमा महिलाको पीडा देखाइने बताएका छन् ।