काठमाडौं । अनिल बुढा मगरको डेव्यु निर्देशनमा निर्माण भएको सिनेमा ‘घरज्वाइँ’को गीत ‘यानीमाया’ले राम्रो प्रतिकृया पाइरहेको छ । युट्युबमा गीतले राम्रो प्रतिकृया पाइरहेको हो । 

आम नेपालीले भोग्दै आएको दुःखलाई गीतले समेटेको युट्युबमा प्रतिकृया आइरहेको छ । शनिबार युट्युबमा सार्वजनिक भएको गीतमा सिनेमाका मुख्य कलाकार दयाहाङ राई र मिरुना मगर फिचर्ड छन् ।

सार्वजनिक गीतमा हर्क साउदको शब्दरचना छ । मनोज थापा मगरको संगीत तथा स्वर छ । 

पूर्वी रुकुम आसपासमा छायांकन गरिएको सिनेमाको कथा निर्देशक अनिल स्वयंले लेखेका हुन् । पटकथा तथा संवाद लेखनमा भने उनलाई बिनोद खतिवडा र सुभाष कोइरालाले सघाएका छन् ।

सुसन प्रजापतिले खिचेका सिनेमालाई जनक घर्ती मगरले निर्माण गरेका हुन् । सिनेमामा दयाहाङ र मिरुनासँगै बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुनलगायतको अभिनय छ । 

सिनेमा असार २८ गतेबाट प्रदर्शनमा आउनेछ ।