काठमाडौं । नेकपा (एमाले)का मन्त्रीहरूले राजीनामा बुझाउने अन्तिम तयारी गरेका छन् । पार्टीका प्रमुख सचेतक महेश बर्तौलाले अहिले राजीनामाको अन्तिम तयारी भइरहेको जानकारी दिए ।

“अन्तिम तयारी भइरहेको छ । केहीबेरमा हाम्रा मन्त्रीज्यूहरूले राजीनामा बुझाउनुहुन्छ,” उनले भने । 

अहिले बालकोटमा एमाले अध्यक्ष केपी शर्मा ओलीले मन्त्रीहरूसँग छलफल गरिरहेका छन् । उपप्रधान तथा भौतिक पूर्वाधारमन्त्री रघुवीर महासेठ, कानुनमन्त्री पदम गिरीलगायत अन्य मन्त्रीहरू बालकोट छलफलमा छन् ।

कांग्रेस–एमालेबीच नयाँ गठबन्धनको सहमति भएपछि एमाले पुष्पकमल दाहाल 'प्रचण्ड' नेतृत्वको सरकारबाट बाहिरिन लागेको हो ।

नयाँ गठबन्धनबाट ओली प्रधानमन्त्री बन्दै छन् ।