![मुकुल ढकालले भने– मैले बिहे गर्ने कि कुमारै बस्ने केन्द्रीय समितिले नै निर्णय गरोस्](https://12khari.top/uploads/posts/mukul-d-copy-1719989032.jpg)
काठमाडौं । रास्वपाका महामन्त्री मुकुल ढकालले आफ्नो व्यक्तिगत जीवनकै विषयमा केन्द्रीय सदस्यहरुले पनि टिप्पणी गरेको भन्दै लिखित प्रस्ताव पेस गरेका छन् ।
उनले सभापतिलाई लेखेको प्रस्तावमा भनेको छन्, “गल्फ्रेन्डको कुरा । मेरो जीवनकै बारेमा केन्द्रीय समितिले निर्णय गर्दा पनि फरक पर्दैन । मैले बिहा नै गर्ने कि नगर्ने, कुमार नै बस्ने कि, केन्द्रीय समितिले निर्णय गरिदेओस् । केन्द्रीय समितिले नै केटी खोजेर योसँग गर भन्छ भने पनि म तयार छु । वा आफ्नो इच्छा गर भन्छ भने नि ठिक छ । तर निर्णय गरिदेओस् ।”
उनले जुन दिन निर्णय गर्न उपयुक्त हुन्छ त्यही दिन गरिदिन पनि सक्ने बताएका छन् ।
“देश निर्माण र देश निर्माणका लागि जीवन नै समर्पण गरेको छु । गल्फ्रेन्डको कुरा गरेर, मलाई त केही पनि छैन, म सहुँला तर ती नारीप्रति सम्मान त गरिदिएको भए हुन्थ्यो । म जान पाइन, एकजना नारी जाने ? मेरो साटो भनेर रडाको मच्चाउँदा पनि सायद मुकुल ढकालसँग जोडिएको विषय हो, कहाँबाट आउँछ मानवअधिकारका कुरा, महिला अधिकारका कुरा ।”
![Global Ime bank](https://baahrakhari.com/uploads/bigyaapan/30885600.gif)
उनले विवाह बाहेकका पनि सबै बाँकी कुरा पार्टीले नै निर्धारण गरिदिन भनेका छन् ।
उनको प्रश्न छ– मैले विवाह गरेँ र छोराछोरी जन्मिए भने मैले आफ्नो इच्छाअनुसार गर्ने हो वा पार्टीको नीतिअनुसार ।”