काठमाडौं । हेलिकोप्टर दुर्घटनामा परी इरानका राष्ट्रपति इब्राहिम रइसीको मृत्यु भएको छ । राष्ट्रपति रइसीका साथमा हेलिकोप्टरमा सवार इरानका विदेशमन्त्रीको पनि दुर्घटनामा मृत्यु भएको छ ।

आइतबार पूर्वी अजरबैजान प्रान्तमा बाँधको उद्घाटन गरेर फर्किरहेका बेला उक्त हेलिकोप्टर दुर्घटना भएको थियो । त्यसमा सवार सबै नौजनाको मृत्यु भएको इरानको सरकारी सञ्चारमाध्यमले जनाएको बीबीसीले उल्लेख गरेको छ ।

दुर्घटना हुनुभन्दा केही घण्टाअघि रइसी विमानको झ्यालबाट बाहिर हेरिरहेका थिए ।

दुर्घटना प्रतिकूल मौसमका कारण भएको हो वा अरू केही भन्नेबारेमा अनुसन्धान भइरहेको छ । सोमबार उद्धार टोली दुर्घटनास्थलमा पुगेको थियो ।

उद्धार टोलीले कुहिरोले ढाकिएको इरानको उत्तरपश्चिम पहाडी क्षेत्रमा दुर्घटनाग्रस्त हेलिकोप्टर फेला पारेपछि इस्लामिक गणतन्त्रमा शोक फैलियो । त्यहाँका नागरिकले सुखद समाचारका निम्ति प्रार्थना गरेका थिए ।

दुर्घटनास्थलबाट शव संकलन गर्दै उद्धार टोली ।

उद्धार टोलीले दुर्घटनास्थलबाट शव संकलन गरेको थियो । उक्त स्थान, दुर्घटना हुनुअघिको हेलिकोप्टर र त्यसमा सवार रइसीका तस्बिर पनि अन्तर्राष्ट्रिय सञ्चारमाध्यमले सार्वजनिक गरेका छन् । डेलीमेलबाट ।

थप तस्बिर हेर्नोस्–

हेलिकोप्टरको भग्नावशेषको बीचमा उद्धारकर्ता ।

उद्धार टोली ।

इरानका राष्ट्रपति रइसी सवार हेलिकोप्टर मे १९ मा इरान–अजरबैजान सीमानजिकै उडिरहेको दृश्य ।

प्रार्थना गर्दै शुभेच्छुक ।

दुर्घटनास्थलको ड्रोन फुटेज ।

इब्राहिम रइसी । फाइल तस्बिर ।