![राष्ट्रसंघमा काम थालेको एक हप्तामै गाजामा मारिए भारतीय नागरिक](https://12khari.top/uploads/posts/kale-2-1715834436.png)
गाजा । संयुक्त राष्ट्रसंघले इजरायली ट्यांक आक्रमणमा गाजामा आफ्ना स्टाफ भारतीय नागरिक कर्णेल वैभव कालेको मृत्यु भएको जनाएको छ । भारतका पूर्व सैनिक कालेको गएको सोमबार रफाहनजिक संयुक्त राष्ट्रसंघको गाडीमा भएको आक्रमणमा परी मृत्यु भएको हो । राष्ट्रसंघकै अर्का एकजना स्टाफ पनि सो घटनामा घाइते भएको जनाइएको छ ।
गाजामा आक्रमण सुरू भएपछि कालेको मृत्यु संयुक्त राष्ट्रसंघका कर्मचारीको पहिलो मृत्यु भएको जनाइएको छ । इजरायल डिफेन्स फोर्सेजले सो घटनालाई नियालिरहेकाे जनाएको छ । राष्ट्रसंघले यसअघि ती कर्मचारी स्थानीय युरोपियन अस्पतालमा जाने क्रममा आक्रमणमा परेको जनाएको थियो ।
४६ वर्षीय मृतक कर्णेल काले भारतको महाराष्ट्रका हुन् । उनले आक्रमण हुनुभन्दा एक हप्ताअघि मात्रै युएन डिपार्टमेन्ट अफ सेपm्टी एण्ड सेक्युरिटी (युएनडीएसएस)मा काम थालेका थिए । बीबीसी