कोपनहेगन । डेनमार्कको ऐतिहासिक रुपमा रहेको  पुरानो भवनमा मंगलबार आगलागी हुँदा क्षतिग्रस्त भएको छ । 

राजधानी कोपनहेगनस्थित सो भवनमा स्टक एक्सचेन्ज  लगायतको  कार्यालय रहेको थियो । सत्रौं शताब्दीको ‘बोर्सेन’ नामको सो भवन आगोको लपेटामा परेको हो  । 

भवनभित्रका सबै मानिस आगलागीको समयमा बाहिर निस्कन सफल भएका छन् ।  यसमा रहेका केही ऐतिहासिक पेन्टीङ जोगाउन मानिसहरु कुदाकुदमा देखिएका छन् ।  संस्कृति मन्त्री जाकोब एन्गेल स्चमिडका अनुसार ४सय वर्ष पुरानो डेनीस सांस्कृतिक सम्पदा आगोको ज्वालामा परेको छ । सो भवन १६२५ ताकाको हो । 

आगलागीको कारण पत्ता लाग्न नसकेको बताइएको बीबीसीले जनाएको छ ।