site stats
बाह्रखरी :: Baahrakhari
विदेश
Global Ime bankGlobal Ime bank
इरानमा एक किशोरीलाई यौन दुर्व्यवहारपछि सुरक्षाकर्मीले नै हत्या गरेको खुलासा

तेहरान । इरानको सुरक्षा बलमा काम गर्ने तीन व्यक्तिले एक किशोरीलाई यौन उत्पीडनपछि हत्या गरेको खुलासा भएको छ । सुरक्षाकर्मीले नै लेखेको एउटा दस्ताबेज लिक भएपछि यो घटना बाहिर आएको हो । 

घटनाअनुसार २०२२मा इरानमा भएको एक प्रदर्शनको क्रममा १६ वर्षकी किशोरी निका शकरमानी अचानक गायब भएकी थिइन् । उनलाई के भयो भन्ने कसैलाई थाहा थिएन । उनको शव नौ दिनपछि फेला परेको थियो । इरान सरकारले त्यतिबेला किशोरीले आत्महत्या गरेको दाबी गरेको थियो ।
 
बीबीसीले यसबारे इरान सरकार र रिभोलुस्नरी गार्डसमक्ष कुरा राख्दा कुनै जवाफ मिलेको थिएन । तर, पछि फेला परेको एउटा रिपोर्टबाट उनलाई सुरक्षाकर्मीले नै यौन दुर्व्यवहार गरी हत्या गरेको खुलेको हो । रिपोर्टमा अत्यन्त गोपनीय भनेर ‘मार्क’ गरिएको छ ।

यो रिपोर्ट इस्लामिक रिभोलुस्नरी गार्ड कोर (आईआजीसी)का तर्फबाट गरिएको सुनुवाइको सारांश हो । यसमा उनको हत्यारा र वास्तविकता ढाकछोप गर्ने बरिष्ठ अधिकारीको नाम पनि संलग्न छ । 

निकालाई एक गोप्य भ्यानमा राखेर लगिएको थियो । त्यसपछि एक व्यक्तिले उनीमाथि यौन शोषण गरेका थिए । हातमा हतकडी भए पनि निकाले त्यसको विरोध गरिन् । हात खुट्टा चलाएर उनले आफ्नो प्रतिरक्षाको प्रयास गरिन् । तर  उनलाई लाठीले हिर्काइयो । महिनौं लगाएर यसको अनुसन्धान गर्दा निका बारेमा के भएको भन्ने खुलासा भएको बीबीसीले जनाएको छ । 
 

प्रकाशित मिति: मंगलबार, वैशाख १८, २०८१  ०९:५०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro