![तुर्माखाँदमा अब सार्वजनिक पदमा रहेका व्यक्तिका सन्तानले सामुदायिक विद्यालयमै पढ्नुपर्ने](https://12khari.top/uploads/posts/Turmakhand-1712078464.jpg)
काठमाडौं । अछामको तुर्माखाँद गाउँपालिकाले सार्वजनिक पदमा रहेका व्यक्तिहरूलाई आफ्ना बालबालिकालाई सामुदायिक विद्यालयमा भर्ना गर्न आह्वान गरेको छ ।
आज एक सूचनामार्फत गाउँपालिकाले सामुदायिक विद्यालयलाई थप व्यवस्थित र प्रभावकारी बनाउन आगामी शैक्षिकसत्र २०८१ देखि आफ्ना छोराछोरीलाई स्थानीय सामुदायिक विद्यालयमा भर्ना गर्न भनेको हो ।
यसअघि गएको मंसिर ८ र ९ गते सञ्चालन भएको शैक्षिक संवाद कार्यक्रममा राजनीतिक दलका नेता, जनप्रतिनिधि, शिक्षक संगठनसहितले आफ्ना बालबालिकालाई अबदेखि सामुदायिक विद्यालयमै पडाउने प्रतिबद्धता जनाएका थिए ।
त्यसैअनुसार गाउँ कार्यपालिकाले पुस १२ गते सार्वजनिक पदमा रहेका व्यक्तिहरूले सामुदायिक विद्यालयमा पढाउनुपर्ने निर्णय गरेको थियो ।
![Global Ime bank](https://baahrakhari.com/uploads/bigyaapan/30885600.gif)
हेर्नुहोस् सूचना