काठमाडौं । नेपाली कांग्रेसको कार्यसम्पादन बैठक निर्धारित समयमा सुरु हुन नसकेपछि बैठकका लागि पुगेका नेताहरू फर्किन थालेका छन् ।

पार्टी सभापति शेरबहादुर देउवा निवास बूढानीलकण्ठमा आज दिउँसो २ बजे बस्ने गरी कार्यसम्पादन बैठक बोलाइएको थियो । तर, अपराह्न ५ बजेसम्म पनि बैठक सुरु हुन नसकेपछि नेताहरू फर्किन थालेका हुन् ।

नेताहरू गोपालमान श्रेष्ठ, नारायण खड्का, रमेश रिजाल, विजयकुमार गच्छदारसहित नेताहरू बूढानीलकण्ठबाट निस्किएका छन् ।

"२ बजे बोलाइएको बैठक समयमा सुरु हुनुपर्‍यो । नभएपछि हामी हिँड्यौ," नेता अर्जुननरसिंह केसीले भने ।

उनका अनुसार सभापति देउवाले अहिले पार्टीका पदाधिकारीहरूसँग छलफल गरिरहेका छन् ।