काठमाडौं । बलिउड अभिनेता अजय देवगन अभिनीत सिनेमा ‘शैतान’ले भारतीय बक्स अफिसमा राम्रो कमाइ गरिरहेको छ । यद्यपि, दर्शकको संख्या घट्दै गइरहेको छ । 

गत शुक्रबार रिलिज भएको सिनेमाले आठ दिनमा ८६ करोड ७२ लाख भारतीय रुपैयाँ कमाइ गरेको छ । 

बलिउड समीक्षक तथा ट्रेड एनलाइसिस्ट सुमित कँडेलका अनुसार ‘शैतान’ ले पहिलो दिन १५ करोड २१ लाख, दोस्रो दिन १९ करोड १८ लाख कलेक्सन गरेको थियो । 

तेस्रो दिन २० करोड ७४ लाख, चौथो दिन ७ करोड ८१ लाख, पाँचौं दिन ६ करोड ५७ लाख, छैटौँ दिन ६ करोड २७ लाख कलेक्सन गरेको थियो । सातौँ दिन ५ करोड ८२ र आठौँ दिन ५ करोड १२ लाख कलेक्सन गरेको थियो । 

चलचित्रमा अजयसँगै आर माधवन, ज्योतिका, जनकी बोदिवाला, अंगद राजलगायत कलाकारको अभिनय छ । विकास बहलले निर्देशन गरेको चलचित्र हरर जानरामा छ ।