काठमाडौं । नेपाली कथानक चलचित्र ‘अगस्त्य च्याप्टर १’ दोस्रो सातामा प्रवेश गरेको छ । सौरभ चौधरीको लेखन तथा निर्देशनमा तयार भएको चलचित्र गत शुक्रबार रिलिज भएको थियो । 

देशकै ठूलो मल्टिप्लेक्स चेन क्यूएफएक्सका काठमाडौं र मोफसलका स्टेशनसहित बिग मुभिज्, वान सनेमाज्, सीडीसी सिनेमाज्, पोखराको मिडटाउन सिनेमाज्, धरानको फ्रेन्ड्स सिनेमाजमा पनि दर्शकको उपस्थिति दोस्रो सातामा पनि सुखद् रहेको निर्माण पक्षले जनाएको छ । 

चलचित्रमा सौगात मल्ल, नाजिर हुसेन, प्रमोद अग्रहरि, मलिका महत, निश्चल बस्नेतलगायत कलाकार मुख्य भूमिकामा छन् । 
 
यसैबीच, दोस्रो सातामा प्रवेश गरेको उपलक्ष्यमा निर्माण पक्षदे ‘रोइरहुँ जस्तो लाग्छ’ बोलको गीत सार्वजनिक गरेको छ । एसडी योगीको स्वर तथा संगीत रहेको गीतमा राम अविरल विष्टको शब्द छ ।