साहित्य
काठमाडौं । भीमदर्शन रोका स्मृति कोषले शैक्षिक तथा सामाजिक क्षेत्रमा योगदान दिने व्यक्तित्व तथा संस्थालाई सम्मानित गरेको छ ।
शुक्रबार प्रज्ञा प्रतिष्ठानमा आयोजित कार्यक्रममा कोषले ‘भीमदर्शन आदर्श गुरु सम्मान’ शैक्षिक क्षेत्रमा योगदान दिने बालकृष्ण भट्टराई तथा बैकुण्ठनारायण सुवाललाई सम्मानित गर्यो ।
कार्यक्रमका प्रमुख अतिथि प्राध्यापक दिनेशराज पन्तले दुवै सम्मानकासाथ नगद राशि ५० हजार एक रुपैयाँको थैली प्रदान गरे ।
उक्त अवसरमा सामाजिक सेवाका क्षेत्रमा क्रियाशील संस्था नेपाल स्नेही काखलाई नगद राशि ५० हजार एक रुपैयाँसहित ‘भीमदर्शन रोका समाजसेवा पुरस्कार’ प्रदान गरियो । संस्थाका अध्यक्ष श्रीनेहा पोखरेललाई पुरस्कार प्रदान गरिएको थियो ।
प्रकाशित मिति: शनिबार, फागुन १२, २०८० ०८:२१
प्रतिक्रिया दिनुहोस्