काठमाडौं । उपनिर्वाचनअन्तर्गत बझाङ–१ ‘क’ मा भएको उपनिर्वाचनको सबै मतपेटिका बझाङ सदमुकाम ल्याइएको छ । दुर्गम साइपाल गाउँपालिकाका तीन स्थानका मतपेटिका नेपाली सेनाको हेलिकोप्टरबाट सदरमुकाम ल्याइएको हो । 

मतपेटिका ल्याइसकिएकाले आइतबार बिहान ११ बजेका लागि सर्वदलीय बैठक बोलाइएको बझाङ प्रमुख जिल्ला अधिकारी  विश्वामित्र कुइँकेलले दिएको जानकारी दिए । सर्वदलीय बैठकपछि मतगणना सुरू हुनेछ । 

चैनपुरस्थित बझाङ जिल्ला अदालतमा मतगणना गरिने जनाइएको छ । बझाङ–१ ‘क’ मा शनिबार भएको निर्वाचनमा ५० प्रतिशत मत खसेको थियो ।