काठमाडौं । भारतीय अभिनेत्री एवं मोडल पुनम पाण्डेको ३२ वर्षको उमेरमा निधन भएको छ ।

उनकै इन्स्टाग्राममा राखिएको एक पोस्टमा पाठेघरको क्यान्सरका कारण उनको निधन भएको उल्लेख छ ।

टाइम्सअफइन्डियाले म्यानेजमेन्ट टिमले पुनम पाण्डेको निधन भएको पुष्टि गरेको जनाएको छ ।

पाण्डेको निधनप्रति बलिउडकर्मी एवं उनका शुभेच्छुकहरूले दुख व्यक्त गरेका छन् ।

केहीअघि उनले आफ्नो स्वास्थ्य समस्या र लामो समयदेखि महिनावारी नभएको विषय सार्वजनिक गरेकी थिइन् ।

विभिन्न चलचित्र, सिरिजमा काम गरेकी अभिनेत्री पाण्डे पछिल्लो समय भारतीय रियालिटी सो लक अपमा काम गरेकी थिइन् ।