काठमाडौं । सत्तारूढ दल नेकपा (माओवादी केन्द्र)का सांसद अमनलाल मोदीले निजी बैंकहरू ‘सेटिङ’मा चलेको आरोप लगाएका छन् । प्रतिनिधिसभाअन्तर्गतको सार्वजनिक लेखा समितिको बिहीबारको बैठकमा उनले यस्तो आरोप लगाएका हुन् ।

उनले बिमासम्बन्धी संस्थालाई पनि छानबिनको दायरामा ल्याउनुपर्नेमा जोड दिए । समिति बैठकमा बोलाउँदा पनि नेपाल धितोपत्र बोर्डका अध्यक्ष उपस्थित नभएको भन्दै उनले असन्तुष्टि जनाए ।

“निजी बैंकहरू पनि एकदमै सेटिङमा चलेका छन् । बोर्डका अध्यक्ष किन आएनन् ? यसको जवाफ दिनुपर्छ,” उनले भने, “बिमा संस्थालाई पनि छानबिनको दायरामा ल्याउनुपर्छ ।”

बैठकमा सांसदहरूले धितोपत्र बोर्डका अध्यक्ष रमेशकुमार हमालको कार्यशैलीप्रति आक्रोश व्यक्त गरे ।

• धितोपत्र बोर्डका अध्यक्ष आर्थिक अपराधका मतियार हुन् : सांसद यादव