काठमाडौं । जनता समाजवादी पार्टी (जसपा)का प्रमुख सचेतक प्रदीपकुमार यादवले नेपाल धितोपत्र बोर्डका अध्यक्षले ‘आर्थिक अपराध’ गरेको आरोप लगाएका छन् । प्रतिनिधिसभाअन्तर्गतको सार्वजनिक लेखा समितिको बिहीबारको बैठकमा उनले धितोपत्र बोर्डका अध्यक्ष आर्थिक अपराधका मतियार भएको गम्भीर आरोप लगाए ।

धितोपत्र बोर्डका अध्यक्ष हाल रमेशकुमार हमाल छन् । तर, सांसद यादवले उनको नाम नलिईकन पद मात्र उल्लेख गरी आरोप लगाएका हुन् ।

धितोपत्र बोर्डका अध्यक्षले घाटामा जान लागेका र गएका कम्पनीलाई प्रिमियममा आईपीओ निष्कासन गर्न दिएको उनले बताए । सेयर बजार अपराधीको कब्जामा रहेको उनको आरोप छ ।

“धितोपत्र बोर्डका अध्यक्षले अपराध गरेका छन् । उनले घाटामा जान लागेका र गएका कम्पनीलाई प्रिमियममा आईपीओ निष्कासन गर्न दिएका छन्,” उनले भने, “आर्थिक अपराधका मतियार धितोपत्र बोर्डका अध्यक्ष हुन् । सेयर बजार अपराधीको कब्जामा छ ।”