काठमाडौं । नेपालका लागि हुन्डाई गाडीको आधिकारिक बिक्रेता लक्ष्मी इन्टरकन्टिनेन्टलले दशैँ–तिहारलक्षित ‘फेस्टिभ डिलाइट, २०८०’ योजना सार्वजनिक गरेको छ । विगतका वर्षमा झैँ गाडी र अन्य आकर्षक उपहारहरू दिने गरी कम्पनीले यस वर्षको योजना सार्वजनिक गरेको हो ।

अटोमोबाइल बजारकै बहुप्रतीक्षित मानिने यो चाडपर्व लक्षित योजनामार्फत यस वर्ष पनि एक जना विजेताले लक्की ड्र मार्फत हुन्डाई एयूभी प्राप्त गर्ने कम्पनीले जनाएको छ ।

यस्तै, हुन्डार्ड फेस्टिभ डिलाइट, २०८० अन्तर्गत कुनै पनि हुन्डाई गाडीको खरिदमा ६ लाख रुपैयाँसम्मको आकर्षक नगद छुट, स्क्राच कार्ड मार्फत थप एक लाख रुपैयाँसम्मको नगद छुट र एक वर्षको लागि निःशुल्क सवारी बिमा तथा सवारी कर सुविधा पनि प्राप्त गर्ने कम्पनीले जनाएको छ ।

भदौ २१ अर्थात् आजदेखि सुरु भएको यो हुन्डाई फेस्टिभ डिलाइट, २०८० योजनामा आउँदै गरेको नाडा अटो सोमा गाडी खरिद गर्ने पनि सहभागी हुन पाउने कम्पनीले बताएको छ ।

नाडा अटोसो, २०२३ मा हुन्डाईको बी५ स्टलमा पनि उपलब्ध रहने सबै गाडीमा तीन वर्ष वारेन्टी र ६ वर्षको फ्री सर्भिसिङ उपलब्ध रहेको छ । यो योजना मंसिर ३ (छठ पर्व) सम्म लागु हुने कम्पनीले जनाएको छ ।