काठमाडौं । शिवपुरी साहित्य समाजले एक कार्यक्रमबीच नियात्राकार पवन आलोकलाई ‘नरबहादुर भारती साहित्य सम्मान’ समर्पण गरेको छ ।

बिहीबार अभिव्यक्ति भेटघाटको नियमित मासिक शृङ्खलाका क्रममा अग्रज साहित्यिक पत्रकारहरू नगेन्द्रराज शर्मा र रोचक घिमिरेले साहित्यकार आलोकलाई नगदसहित सो सम्मान समर्पण गरे ।

सोअवसरमा शर्मा, घिमिरे र आलोकसहित वियोगी बुढाथोकी, विष्णुबहादुर सिंह र पुरस्कार संस्थापक शंकर भारतीले आफ्नो मन्तव्य राखे । 

समाजले बर्सेनि पाँचवटा सम्मान तथा पुरस्कार समर्पण गर्दै आएको छ । शिवपुरी साहित्य समाजद्वारा आयोजित कार्यक्रमका बखत साहित्यकार आलोक  देश बाहिर रहेकोले उनी नेपाल फर्किएपछि बिहीबार उक्त सम्मान समर्पण गरिएको जानकारी गराइयो ।