लसएन्जेल्स । अमेरिकाको सानफ्रानसिस्कोस्थित ट्विटरको प्रधान कार्यालयमा सरसफाइको काम गर्ने कामदारहरूले आफूहरूलाई जाग
तलब नदिइकनै बर्खास्त गरिएको गुनासो गरेका छन् । यसरी जागिरबाट निकालिएकामध्ये एकजनाले एलन मस्कको टोलीले आफूहरूको काम अब यन्त्रमानव अर्थात् रोबोटले गर्ने जानकारी दिएको बताएका छन् ।
क्यालिफोर्निया राज्यका एकजना सिनेटरले मस्कले कर्मचारीहरूलाई 'काम नलाग्ने फोहर'जस्तै व्यवहार गरिरहेको प्रतिक्रिया दिएका छन् । केही समय अघि मात्र मस्कले चालिस अर्ब अमेरिकी डलरमा ट्विटर किनेका हुन् । उनले त्यस यता धमाधम कर्मचारी कटौती गर्दै आएका छन् ।
सानफ्रानसिस्कोका नगर कानुनी प्रतिनिधि डेडी चिउले कतै मस्कले श्रम सम्बन्धी कानुन त तोडेका छैनन् भन्नेबारे आफूले अनुसन्धान गरिरहेको बताएका छन् । यसबारे टिप्पणी गर्न बीबीसीले गरेको अनुरोधबारे ट्विटरले कुनै पनि प्रतिक्रिया जनाएको छैन ।
चिउले बीबीसीलाई भनेका छन्, “एलन मस्कले लामो समयदेखि श्रम कानुन उल्लंघन गरेको इतिहास छ । यदि अहिले पनि यस्तो भएको भए मलाई कुनै आश्चर्य हुने छैन । म ती कामदारहरूको मर्काबारे महसुस गर्छुं । हामीले यस मामिलामा थप छानविन गर्नेछौँ ।"
बीबीसीले सोमबार जागिरबाट निकालिएका चारजना सफाइ कामदारसंग कुरा गरेका हुन् । चार वर्षदेखि ट्विटरमा काम गर्दै आएकी एड्रियान्ना भिल्लारियलले आफुलाई अब क्रिसमसमा परिवारलाई के खुवाउने भन्ने चिन्ता लागेको दुखेसो पोखेकी छन् ।
बीबीसीबाट ।
