खेल
काठमाडौं । नेपाल क्रिकेट संघ (क्यान)ले आयोजना गर्ने नेपाल टी–२० को मिति सरेको छ ।
यसअघि मंसिर २६ देखि पुस १६ गतेसम्म आयोजना हुने भनिएपनि क्यानले बिहीबार एक विज्ञप्ति जारी गर्दै प्रतियोगिता पुस ८ देखि २६ गतेसम्म हुने जनाएको छ ।
यस्तै, क्यानले लिगमा काठमाडौं गुर्खाजको स्थानमा काठमाडौं नाइट्स आएको पनि जनाएको छ । यसअघि काठमाडौं गोर्खाजले अन्तिम समयमा नाम फिर्ता लिएपछि प्रतियोगिता नै अनिश्चित बनेको थियो ।
प्रतियोगितामा पहिलो संस्करणमा ६ फ्रेन्चाइज टिमले प्रतिस्पर्धा गर्नेछन् । जसमा काठमाडौं नाइट्ससँगै जनकपुर रोयल्स, पोखरा एभेन्जर्स, लुम्बिनी अल स्टार, विराटनगर सुपर किंग्स र फार वेस्टर्न युनाइटेड छन् ।
प्रकाशित मिति: बिहीबार, मंसिर २२, २०७९ २२:०४
प्रतिक्रिया दिनुहोस्