![छठ पर्व : अपराह्न ४ बजे राष्ट्रपति भण्डारी कमलपोखरी जाने](https://12khari.top/uploads/posts/kamalpokhari11647491896.jpg)
काठमाडौं । आज छठ पर्वको अवसरमा अपराह्न ४ बजे राष्ट्रपति विद्यादेवी भण्डारी कमलपोखरीमा जाने भएकी छन् । कमलपोखरी छठ पूजा समितिको निम्तोमा पूजाका लागि पुग्ने भएकी हुन् ।
समितिका अध्यक्ष राजेन्द्र सिंहले काठमाडौं महानगरपालिकासँग अनुमति लिएर छठको तयारी पूरा गरेको बताए । समितिले हरेक वर्षको छठ पर्वमा राष्ट्रपतिलाई निम्तो दिँदै आएको छ । साथै, प्रधानमन्त्री र काठमाडौं महानगरपालिकाका मेयर पनि कमलपोखरी पुग्ने छन् ।
सूर्य उपासनासँग सम्बन्धित तराईमा मनाइने यो पर्व पछिल्ला वर्षहरुमा पहाडी जिल्लाहरुमा पनि मनाउन थालिएको छ । काठमाडौंको कमलपोखरी, नागपोखरी, गौरीघाट गुह्येश्वरी, शंखमुल, टंकेश्वरी, बालाजुलगायतका स्थानमा श्रद्धालुहरु बेलुका अस्ताउँदो सूर्य र बिहान उदाउँदो सूर्यको उपासनाका लागि जाने गरेका छन् ।
श्रद्धालुहरुको सहजताका र जलाशयहरुको स्वच्छताका लागि महानगरले विशेष सरसफाइ गरेको वातावरण तथा कृषि विभागका प्रमुख सरिता राईले जानकारी दिइन् ।
![Global Ime bank](https://baahrakhari.com/uploads/bigyaapan/30885600.gif)