काठमाडौं । बैंक अफ काठमाण्डू लिमिटेडले आर्थिक वर्ष २०७८/७९ को मुनाफाबाट लाभांश वितरण गर्ने घोषणा गरेको छ । 

बैंकले हाल कायम चुक्तापुँजीको २०.९५ प्रतिशत लाभांश वितरण गर्ने प्रस्ताव गरेको छ । जसमा करसमेत गरी १४.९५ प्रतिशत नगद लाभांश र ६ प्रतिशत बोनस सेयर दिने प्रस्ताव गरेको हो ।

उक्त लाभांश नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपश्चात् सेयरधनीले प्राप्त गर्नेछन् ।