काठमाडौं । विद्युतीय सवारी कम्पनी ओमोडा एन्ड जेइकोले गोकर्ण फरेस्ट रिसोर्टको अफ–रोड ट्रयाकमा ‘जेइको जे सिक्स’को टेस्ट ड्राइभ गरिएको छ ।

ओमोडा एन्ड जेइको कम्पनी लिमिटेडको लागि नेपालको आधिकारिक वितरक एसपीजी अटोमोबाइल्स प्रालिले शनिबार ‘जेइको जे सिक्स इन्डिभिजुअल–ह्विल–ड्राइभ (फोर–बाइ–फोर) टेस्ट ड्राइभ–एक्स्पेरियन्स द थ्रिल अफ एडभेन्चर’ आयोजना गरेको हो ।

‘टेस्ट ड्राइभ’ च्यालेन्जमा नेपालको पहिलो इलेक्ट्रिक अफ–रोड एसयूभी जेइको जे सिक्स इन्डिभिजुअल–ह्विल–ड्राइभ (फोर–बाइ–फोर)को उच्चस्तरको क्षमता तथा शक्ति प्रदर्शन गरिएको कम्पनीको दाबी छ ।

ट्रयाकलार्ई वास्तविक अफरोड यात्रामा जस्तै चुनौतीपूर्ण बनाउन विभिन्न अवरोधहरू, उकालो, ओरालो, हिलो, रकि एक्सपेरियन्स लगायत राखिएका थिए । उक्त ट्रयाकमा जे सिक्सले आफ्नो शक्तिशाली पर्फमेन्स तथा क्षमता प्रमाणित गरेको कम्पनीले जनाएको छ ।

कार्यक्रममा डर्ट–ट्र्याक च्यालेन्जका अलावा सहभागीहरू निःशुल्क ‘ड्राइभिङ रेन्ज गल्फ सट’ लगायत क्रियाकलापमा सहभागी भएका थिए ।

नयाँ जेइको जे सिक्स इन्डिभिजुअल–ह्विल–ड्राइभ (फोर–बाइ–फोर) मसाज सिट, सबै प्यासेन्जरका लागि हिटेड एन्ड भेन्टिलेटेड सिट, हाइअर रिमसहितको टायर साइज, बुम बक्स बेस स्पिकर्स लगायत विभिन्न सुविधाहरू रहेको कम्पनीले जनाएको छ ।

९ वटा ड्राइभिङ मोडसहित शक्तिशाली डुअल मोटर, ६९.६६ किलोवाटआवरको ब्याट्री र ४०० किलोमिटरको डब्लूएलटीपी रेन्ज रहेको कम्पनीको भनाइ छ ।