बुटवल । रुपन्देही निर्वाचन क्षेत्र नम्बर–२ मा प्रतिनिधिसभा र प्रदेशतर्फ नेकपा (एमाले)बाट पुरानै उमेदवार दोहोरिएका छन् ।

प्रतिनिधिसभा सदस्यका लागि आइतबार एमालेका उपाध्यक्ष विष्णु पौडेलले मनोनयनपत्र दर्ता गराएका छन् । सो क्षेत्रबाट लगातार तीनपटक निर्वाचनमा विजयी भएका उनी योपटक पनि उमेदवार बनेका हुन् ।

यस्तै, प्रदेशसभा सदस्यतर्फ रुपन्देही–२ ‘क’मा एमालेका लीला गिरी र रुपन्देही–२ ‘ख’मा एमालेकै भोजप्रसाद श्रेष्ठले मनोनयनपत्र दर्ता गराएका छन् । गिरी लुम्बिनी प्रदेशका पूर्वमन्त्री हुन् । श्रेष्ठ बुटवल उपमहानगरपालिकाका पूर्वमेयर तथा लुम्बिनी प्रदेशसभा सदस्य हुन् ।