काठमाडौं । एनआईसी एशिया बैंक र दराजबीच छुट प्रदान गर्ने सम्झौता भएको छ ।

दसैँको उपलक्षमा दराज ई–कमर्सबाट अनलाइन किनमेल गर्ने बैंकका ग्राहकहरूलाई छुट प्रदान गर्ने सम्झौता भएको बैंकले जनाएको छ ।

सम्झौताअनुसार दराजमा बैंकको डेबिट कार्ड प्रयोग गरी खरिद गर्दा १५ प्रतिशत वा २ हजारसम्मको छुट उपलब्ध हुनेछ ।

यस्तै, क्रेडिट कार्डमार्फत खरिद गर्दा २० प्रतिशत वा २ हजार ५०० रुपैयाँसम्मको छुट उपलब्ध हुने बैंकले जानकारी दिएको छ ।