काठमाडौं । एनएमबि बैंकले प्रत्येक प्रदेशमा महिलाले नेतृत्व गरेको र महिला मात्र भएको शाखाको विशेष घोषणा गरेको छ ।

उक्त अवसरमा महिला सशक्तीकरणमा सक्रिय भएर कार्य गर्दै आएका महिला दिदी बहिनीहरूको अनुभव साट्न अन्तरक्रियात्मक कार्यक्रमकोसमेत आयोजना गरेको छ ।

महिलाहरूलाई थप सशक्त बनाई हरेक क्षेत्रमा अगाडि बढाउनु आजको आवश्यकता रहेको महसुस गर्दै बैंकद्वारा सञ्चालन गरेको यस कार्यक्रमले भविष्यमा थप टेवा पुर्‍याउने अपेक्षा राखेको बैंकले जनाएको छ ।