काठमाडौं । दार्चुलामा जीप दुर्घटना हुँदा पाँचजनाको मृत्यु भएको छ । दुर्घटनामा ९  जना घाइते भएका छन् ।

गोकुलेश्वरबाट खलंगातर्फ गइरहेको से १ ज ५५१ नम्बरको जीप शैल्यशिखर नगरपालिका–६ मा दुर्घटनामा परेको हो ।

जीप भीरबाट खसेको सुदूरपश्चिम प्रदेश प्रहरी कार्यालयका एसएसपी भोलाबहादुर रावलले जानकारी दिए । 

दार्चुलाको शैल्यशिखर, ६ मा पर्ने उल्लानीमा भएको दुर्घटनामा पाँचजनाको घटनास्थलमै मृत्यु भएको जिल्ला प्रहरी कार्यालय दार्चुलाका डीएसपी प्रतीक बिष्टले जानकारी दिए । दुर्घटनामा चार पुरुष र एक महिलाको घटनास्थलमै मृत्यु भएको हो । मृतक र घाइतेको सनाखत हुन सकेको छैन । 

घाइते सबैलाई उद्धार गरी उपचारका लागि गोकुलेश्वर अस्पताल पठाइएको छ ।