काठमाडौं । नेकपा (एकीकृत समाजवादी)ले आगामी निर्वाचनका लागि उमेदवार छान्ने मापदण्ड बनाउने जिम्मेवारी पार्टी महासचिव वेदुराम भुसाललाई दिएको छ । 

आज बसेको सचिवालय बैठकले आगामी निर्वाचनमा समानुपातिक र प्रत्यक्षतर्फका उमेदवार छान्ने जिम्मा भुसाललाई दिएको हो । उनले अब उमेदवार छान्ने निर्णय प्रक्रियाको प्रस्ताव अर्को बैठकमा पेस गर्नेछन् ।

बैठकले पार्टीको चुनावलक्षित घाेषणापत्र बनाउने जिम्मा तीनजना उपमहासचिवलाई दिएको छ । उपमहासचिवत्रय प्रकाश ज्वाला, डा. गंगालाल तुलाधर र डा. विजय पौडेललाई घोषणापत्र बनाउने जिम्मेवारी दिइएको हो ।

निर्वाचन विभागले निर्वाचन निर्देशिका तयार गर्ने गर्ने महासचिव भुसालले जानकारी दिए ।