काठमाडौं । आज यमपञ्‍चक अर्थात् तिहारको चौथो दिन आज गाई तिहार गाईको पूजा गरी मनाइएको छ ।

गाईलाई पूजा गर्नाले गाईबाट आमाबाट जस्तै माया पाइने धार्मिक विश्वासका साथ पूजा गरी गाई तिहार मनाइएको हो । हरेक वर्ष तिहारमा गाईको पूजा गर्ने गरिन्छ । 

यो वर्ष आजै गोरु तिहार पनि परेको छ । तिथिहरुको घटबढका कारण यो वर्ष गाई र गोरु तिहार एकैदिन परेको छ । हिन्दु धर्मावलम्बीहरुले आज धुमधामसाथ गाईको पूजा गरी गाई तिहार मनाएका छन् । गाई जगत् जननी भएकाले पनि हिन्दु संस्कारअनुसार पूजा गर्ने गरिएको सर्वसाधारणहरु बताउँछन् । गाईको दूध, गहुँत, गोबर पवित्र हुने भएकाले पनि गाईको पूजा गर्ने गरिएको जनविश्‍वास छ । गाईलाई गौ माताका रुपमा पनि पुजिन्छ ।

आधुनिक विज्ञानले समेत गोरस (दूध तथा दूधबाट बनेका परिकार) विभिन्‍न रोगमा अचुक औषधिका रूपमा प्रयोग गर्दा मानव स्वास्थ्यलाई फाइदा पुग्‍ने भनी अनुसन्धानबाट प्रमाणित गरेपछि गाईको महत्त्व अझ बढेको छ । आजै ३ बजेपछि गोरु तिहार मनाइँदै छ । आजैका दिन बेलुकी घर घरमा ‘देऊ शुभ’ भनी देउसी खेल्ने गरिन्छ । देऊ शुभ भन्‍ने क्रममा अपभ्रंश भई देउसी भएको नेपाल पञ्चाङ्‍ग निर्णायक समितिले जनाएको छ ।

आज काठमाडौंको पाशुपत क्षेत्र तथा विभिन्‍न स्थामा गाईलाई यसरी पूजा गरिएको छ हेरौं थप तस्बिर :