काठमाडौं । कपिलवस्तु प्रहरीले पेस्तोलसहित एकजनालाई पक्राउ गरेको छ । जिल्लाको मायादेवी गाउँपालिका–६ का २१ वर्षीय सद्दाम हुसेन फकरीलाई पक्राउ गरिएको कपिलवस्तुका प्रहरी प्रमुख एसपी निरञ्जनदत्त भट्टले जानकारी दिए ।

मोटरसाइकल चोरी गर्न खोजिरहेको भन्ने सूचनाको आधारमा खटिएको प्रहरीको टोलीले फकरीको शरीर जाँच गर्दा उनको साथबाट पेस्तोलसहित गोली र छर्रा समेत बरामद गरेको हो ।

उनीमाथि थुनामा राखेर अनुसन्धान गर्न कपिलवस्तु अदालतले प्रहरीलाई पाँच दिनको म्याद दिएको छ । उनीविरुद्ध प्रहरीले हातहतियार खरखजना मुद्दामा अनुसन्धान जारी राखेको छ ।